أنآ + وقتي + الدرآسه = Disaster !!!

السلام عليكم عسولات =) ..

آممم كيفكم ؟ ايش اخباركم ؟ عساكم بخير وعافية يآرب

أحس موضوعي جا متأخر حبتين .. لأنو بدينا دراسة من زمان

معليش لو مافادكم الحين يفيدكم السنة الجاية



:

كثير منا تعذب علبال مايتأقلم عالدراسة وياخذ عالجو =|

ولسا مو مستوعبين ان الامتحانات قرَبت وجانا الموت

وفي هذه الأثناء .. احنا لا في سما ولا في أرض .. لا اللي مهتمين بنفسنا ولا اللي شادين حيلنا
بالعربي إحنا في كآآرثة =S

في هالموضوع نبغى نرتب أوراقنا سوا .. بنتكلم عن عنايتك بنفسك وتنظيمك لوقتك

و كيف تجيبي أعلى معدل بإذن الله .. سواء كنتي في الجامعة أو في المدرسة









كعادتنا مانتغيَر .. نهتم بنفسنا اسبوعين ونطنش عشرة شهور

ولما جا الدوام قعدنا نتحجج فيه وانه يادوب نلحق ندرس ولا نعتني بنفسنا ولا نختبر.. ولا ..ولا ..

عشان كذا .. بنحط جدول عناية بسيط .. نمشي عليه لحد مايفرجها ربي ونفضى ..


:

خلينا نشوف ايش اللي يبغاله عناية :

أول شي نتكلم عن العناية الخارجية ( شعرك + أظافرك + وجهك + جسمك )

بعدين العناية الداخلية ( مشاعرك + و روحك )


:









وجهك , شعرك , أظافرك , وجسمك .. أكثر شي يميزك كأنثى ويعطيك الجمال ..

لما تهمليهم بتحسي انك مو تمام و بينك وبين نفسك تقولي :
" يالله كل البنات حلوين الا أنا حالتي حالة "
فيه أشياء نسويها دايماً ومن أساسيات حياتنا .. بنضيف عليها أشياء ونخليهم كلهم ..( روتين )

:

الشعر


~ مرة في الأسبوع .. سويله ماسك أو زيتيه .. يعني اسبوع ماسك , والاسبوع اللي بعده زيت .

الوجه


نظافته

~ مرتين في اليوم تغسليه بغسول منظف , تمسحي وجهك بتونيك وتحطي كريم مرطب أو واقي شمس , و في الليل كريم الهالات اذا حابه .. مع انه اكثر شي يتنسى.
~ سوي مقشر للوجه وقناع .. مره في الاسبوع .


الرؤوس السوداء

~ أسرع حل انك تستخدمي أشرطة تنقية مسام الأنف من T-Zone مرة كل اسبوعين أو على حسب بشرتك .


حواجبك

~ شقريها كل اسبوع ونص ولاتهمليها .. لانه من جد تبرز ملااامحك .

شفايفك

~ حطي فاازليـن أو مرطب كل ماشفتي وجهك في المراية .

أسنانك

~ فرشيها 3 مرات في اليوم وبين فترة وفترة أفركيها بليمونه .

بنات أعرف انه الليمون كثرته تضر بالمينا .. لكن مرتين ولا مرة وحدة بالشهر ما أظن بتضر
عشان كذا قلت فترة وفترة

الأظافر


~ أحلى وقت لما تجيك البريود .. جيبي شنطة الأظافر .. وابدي قصيها و ابرديها .. شيلي الجلد الميت بعدين لمعيها

وحطي فازلين شوي او زيت اللوز اللي من بودي شوب .. وحطي مناكير =)
طبعاً رجولك ويدينك مع بعض .

~ بعد ماتخلص البريود .. اذا كانت أظافرك طويلة و مو بيضا قصيها تطلع أرتب وأنظف وابرديها اذا احتاجت .. وركزوا على أظافر رجولكم .


يدينك ورجلينك

~ كل يوم لازم تدهنيهم بكريم أو لوشن مرطب مايكون خفيف .. واشتري كريمات صغيره وخلي وحدة بشنطة الجامعة ووحدة بشنطة السوق وكل ماغسلتي يدك حطي كريم .

~ لاحظت لما تلبسي صندل أو بالرينا لمآ تطلعين أوتمشي حافية في البيت .. تفقد رجولك رطوبتها وتسير ناشفة وتخشخش =\ واحنا لساتنا صغار لازم رجولنا تسير ناعمه زي البيبي .

لذلك ادهنيهم و البسي شراب أو سليبرز (شبشب بيت) .. ولما تطلعي يفضَل انك تلبسي جزمة رياضة .


جسمك


~ مره في الأسبوع سوي سكرب مقشر لجسمك .. وبالنسبة لإزالة الشعر ..
خليها بعد البيريود بالمرة ..
بالحلاوة أو اللي يريحك .. بس شفره ( موس ) لأ !

~ لما تاخذي شاور .. خذي اللوشن والعطر والباودر جوا الحمام –الله يكرمكم-
حطي اللوشن على جسمك وهو رطب عشان تمسك فيه الرطوبه .. ورشي العطر من بعيد و بعدين الباودر المعطره .. ويا سلآم على ريحتك بعدها .


صحتك


~ قللي من الفاست فود والبطاطس =(

~ واشربي مويه كثيــر .. سوي رياضة أو امشي أو ارقصي مرتين في الاسبوع >> يآآآهـ هوآيتي الرقص

:

كذا خلصنا الأشياء المهمة .. هذا جدول فيه ماسكات مقترحة وسهلـه ..




يتبع ..~ ..~

الوقت أهم شي بنتعامل معاه ..

Notebook


الحين في الدراسة مهم تستخدميه ..

كل شوي يقولوا عندكم كويز .. عندكم اختبار .. وكل واحد في تاريخ ..
لوحطيتيتهم في اوراق بتضيع .. ولو كتبتيهم عالكتاب ممكن تنسي ..

بس النوت .. مقسم الشهور والأسابيع .. وبيكون مرتب وتعرفين ايش الاختبارات
اللي ورا بعض وايش وراك هالأسبوع من تسليم مشاريع وبحوث أو مذاكرة

اللي ماجربوها قبل كذا .. بقولكم كيف تستخدمونها..

:

الـ Notebook هو الدفتر الصغير اللي دايماً نشوفه في المكتبات وأشكاله تجنن ..
يستخدم لتنظيم الوقت والمواعيد .. بالذات اذا كان جدولك مليآن ..

:

يحتوي على :
التقويم السنوي , خطة سنوية , خطة شهرية , خطة أسبوعية , ورق ملاحظات

خلينا نشوف نظرة عن قرب

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 647 * 506 و حجم 332KB.

Monthly plan ( الخطة الشهرية )

كل صفحة فيها شهر مقسمة لأسابيع .. تكتبي فيها مهام الأسبوع من اختبارات وطلعات .. مواعيد .. الخ

Weekly plan ( الخطة الأسبوعية )

الأسبوع مقسم لأيام .. وكل يوم تكتبين المهام اللي عليك .. زي مانتوا شايفين في الصفحة الوردية ..
بعض النوت يكون معاها ستيكرز .. تحطينها عالمربعات

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 647 * 506 و حجم 406KB.

هذي النوت غير عن اللي فوق فيها Yearly plan ( خطة سنوية ) ..

هنا تكتبي أهداف كل شهر وايش تبغي تنجزي فيهم .. الأقسام ممكن تختلف اختلاف بسيط بين وحدة والثانية ..

انتوا شايفين تاريخ الكالندر !! ههههههههه
هذا أول نوت اشتريه في حياتي قبل 9 سنين .. ومن العباطة خليته (تجراف) يكتبولي فيه الأبلات

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 647 * 506 و حجم 351KB.

هذا شكل ثالث ..
لاحظوا اني قاعده اغايركم .. ابيكم تشترونه













There's no time limit. Start whenever you want. You can change or stay the same.
There are no rules to this thing. We can make the best or the worst of it;
I hope you make the best of it. I hope so


بإمكاننا نتغير وبإمكاننا نبقى زي ما إحنا.. الوقت مو محدود نقدر نبدأ متى مانبغى
بإمكاننا نحقق الأفضل أو الأسوأ ..
وأتمنى انك تحققي الأفضل دايماً =)

:




آممم شاركوني آرائكم و تجاربكم مع ( الوقت , السكووول , عنايتك ) ..
اتمنى الموضوع يكون غني بردودكم .. و لاتقتصروا على رد مختصر إذا ممكن =)


( عطر الورد )

صفآ

للأمآآآنهـ منقوووووووول